Обилни врнежи од дожд викендов, во делови од Македонија ќе падне и снег

Пообилни врнежи од дожд, наместа и до 25 литри на метар кавдратен, а на планините снег, најавува за претстојниот викенд Управата за хидрометеоролошки работи.

Врнежите од дожд ќе бидат поизразени утре попладне во западните и јужните делови на Македонија. Снег, пак, ќе паѓа на повисоките планини во североазападна Македонија.

Во недела и понеделник врнежите ќе бидат полокализирани и ќе дува умерен јужен ветер. Во недела ќе има услови за утринска магла по одделни котлини.

Пообилни врнежи повторно се очекуваат во вторник и среда, а од среда и опаѓање на температурата што ќе предизвика на планините и на некои повисоки места врнежите да поминуваат во снег.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.