Решавањето на прашањето на спорот со името е досега на највисоко ниво и најблиску до изнаоѓање решение, оцени денеска високиот претставник на Стејт департментот Хојт Брајан Ји, објави Гласот на Америка на македонски јазик.
– Има уште многу работа да се заврши, и тоа од двете страни. Ќе има преговори и јас сум оптимист дека ќе има решение затоа што расположението и во Грција и во Македонија е на највисоко ниво од кога било досега – истакнал заменик-помошникот американски државен секретар, Хојт Брајан Ји во Центарот за меѓународни односи во Вашингтон.
Оценето е дека иако Македонија навидум има најмалку проблеми околу мировните договори, сепак нејзината безбедност зависи со решавањето на спорот со името и влезот во НАТО.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
