Познат идентитетот на починатата прилепчанка, обвинителството бара обдукција

Дваесетипет годишната прилепчанка со иницијали Е.К за чија бизарна смрт пишувавме претходно, изутрината околу 5.50 часот била пронајдена мртва во својот дом. Семејството повикало итна медицинска помош, но екипата само можела да ја констатира смртта на младата жена. Била повикана и полицијата, а увид напрвил и обвинител од основното јавно обвинителство.

Според јавниот обвинител Ристо Шошески, за да се утврдат причините за смртта побарано е да се изврши обдукција врз телото на починатата жена.

25-годишната Е.К. од Прилеп беше вработена во ЈЗУ Здравствен дом Прилеп како медицинска сестра.

Според информациите кои ги добивме претходно во текот на денот младата медицинска сестра била во општата болница “Борка Талески” во Прилеп.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.