Двосменско работење во Град Скопје, услуги за граѓаните до 19:30 часот

Од следната недела во бараката број 16 во Град Скопје ќе се работи двосменски, од 7:30 до 19:30 часот. Во текот на работењето ќе има две паузи, од 11:30 до 12 часот и од 14:30 до 15 часот.

Ова на денешната прес-конференција го соопшти градоначалникот на Град Скопје Петре Шилегов.

Граѓаните во барака 16 можат да регулираат данок на промет, наследство и подарок, данок на имот и комунална такса-фирмарина.

– Работиме интензивно веќе на подготвување на реален едношалтерски систем во кој граѓаните ќе можат оние активности кои се врзани и со градската адиминстрација да ги извршуваат и на шалтерите на централната власт и на скопските општини со цел услугите кои ги дава Град Скопје да бидат транспаренти, едноставни и лесно достапни за секој наш сограѓанин, рече Шилегов. Додаде дека ова е едно од изборните ветувања.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.