Почна: И Санџак бара отцепување

Претседателот на Бошњачкиот национален совет во Србија, Сулејман Угљанин денеска побара од српските власти и од Европската унија да се распишат „избори за формирање на територијана автономија на српската областа Санџак, каде мнозинството од жителите се Бошњаци.

Угљанин, кој е и лидер на Партијата за демократска акција на Санџак (СДА), нагласи дека барањето го базира на резултатите од референдумот за автономија на Санџак од 1991 година, кој не е признат од страна на Белград.

Лидерот на Бошњаците во Србија, исто така, побара и да се утврди датум за повлекување на српската полиција, војска и разузнавачки служби, како и на српските правосудни органи од Санџак.

Тој тврди дека Бошњаците се „туѓо тело во земја во која институциите се нарекуваат српска војска и српска полиција“ и оти државните органи кон бошњачко малцинство се однесуваат непријателски и дискриминаторски.

Ваквите изјави на Угљанин, српскиот министер за одбрана Александар Вулин ги оцени како провокативни. Тој додаде дека претседателот на Бошњачкиот национален совет сака да предизвика „неред и немир“, затоа што му пречи мирот и законитоста во Србија.

Beograd, 27. oktobra 2017. – Ministar odbrane Aleksandar Vulin ucestvovao je danas na tribini “Vojna neutralnost” koju je organizovao Medija centar “Odbrana” na svom standu Beogradskog sajma na Medjunarodnom sajmu knjiga. FOTO TANJUG/ MINISTARSTVO ODBRANE – GORAN STANKOVIC/ bg

– Војската на Србија не е окупаторска сила за да се повлекува, таа е дел од секојдневниот живот на секој од нас и е чувар на нашата земја, како и на нашиот начин на живот. На тој што му пречи војската, му пречи и Србија, а му пречи и мирот и законитоста, истакна Вулин.

Тој додаде дека војската, полицијата и правосудните органи ќе продолжат да се грижат за мирот и законитоста на територијата на Србија и да ја гарантираат безбедноста на секој граѓанин, без оглед на верската или националната припадност.

– Србија им припаѓа на сите кои живеат во неа и тоа никој никогаш нема да го промени со својата омраза, посочи Вулин.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.