Неда Украден: Зад успешна жена обично стои еден уништен брак

Најсексапилната баба на Балканот Неда Украден открива какви карактеристики би требало да има нејзиниот избраник, дали би му простила прељуба и зошто се развела од бившиот сопруг.

-Мора да биде една машка Неда Украден, да сака и да зготви добро и да се дотера, да е мангуп и зафркант, но и господин. Мора да и’ биде дораснат на жената што е тука и таму, некој што го сака семејството, топлината на домот, но и добра претстава и кафеана. Ви велам, таков уште не се родил, вели Неда.

На прашањето дали некогаш доживеала прељуба, одговара:

-Како не, па кој не доживеал?! Ако жените мислат дека мажот не ги изневерил, во тешка заблуда се. Имено, не е реално цел живот да сакаме само една личност. Вистинска прељуба е некој да живее со тебе, а да сака некој друг – тоа е страшно! Преку тоа никогаш не би можела да поминам.

Пејачката откри и која била причината за распаѓањето на нејзиниот брак со покојниот режисер Милан Билбија, татко на нејзината единствена ќерка Јелена.

-На човекот ужасно му пречеа мојата слава и начинот како реагирав на неа. Тој сметаше дека и’ штети на нашата врска и дека приоритет би требало да ни биде нашата куќа, а не моите турнеи. Секогаш се вели дека зад еден успешен маж стои жената, но зад успешна жена обично стои еден уништен брак, сопствениот најчесто.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.