Изминатата седмица во Скопје 82 сообраќајки, четворица тешко повредени

Во периодот од 27 октомври до 2 ноември на подрачјето на Град Скопје сообраќајната полиција извршила увид на вкупно 82 незгоди. Од нив, во четири со тешки телесни повреди се здобиле двајца пешаци, еден возач и еден сопатник.

Триесет и една незгода биле со последица телесни повредни, во кои со полесни повреди се здобиле 46 лица, а 47 незгоди биле со последица материјална штета.

Во текот на изминатите седум дена од страна на сообраќајната полиција биле преземени голем број засилени мерки при што биле откриени и санкционирани поголем број на прекршоци. Од нив, санкционирани биле 89 возачи кои не го почитувале ограничувањето на брзината на движење, 21 возач го управувале возилото под дејство на алкохол, осум возачи поминале на црвено светло на семафор и 12 возачи кои не отстапиле првенство на минување на пешаците на обележан пешачки премин, односно не ги почитувале правилата за престигнување. Затекнати биле и 30 пешаци кои поминале вон пешачки премин, односно поминале на црвено светло на семафор.

Со помош на специјалното возило „пајак“ во овој период биле отстранети 384 возила.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.