Од МВР молк за пукањето на плоштадот Скендербег

На Скендер бег беше како на бојно поле, со долги рафали татнежот на автоматите беше составен дел од веселбата. Но и по два дена од овој инцидент, МВР и Обвинителството молчат иако во прашање е тешко кривично дело. Алфа денеска побара одговор од Министерството за внатрешни работи.

На сите овие прашања добивме краток одговор дека истрагата е во тек и се работи на расветлување на случајот. Од обвинителство пак не знаат дека повеќе лица со автоматски пушки стрелаа во центарот на Скопје. Иако законот ги обврзува обвинителите да дејствуваат и по допрен глас,скопското обвинителство чека полицјата да ги извести за случајот.

Долгите рафали стрелби, се случија меѓу толпа народ, и пред високи партиски функционери на ДУИ. И ноќта на 15 октомври по завршувањето на првиот круг од локалните избори на повеќе локации во Скопје се пукаше со пиштоли иако и видеата и фотографии од пукачите беа јавно објавени, истрагата на МВР и Обвинителство очигледно некаде заглавила, бидејќи и по 15 дена нема информации за овој кривично правен настан.

Извор: alfa.mk

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.