Имате масни наслојки на колената? Еве како да ги „согорите“

Во борбата за идеални колена познатата глумица Деми Мур имаше пластична операција! Ако не сте подготвени за толку ригорозен чекор, не очајувајте, бидејќи убави колена може да имате и со неколку едноставни вежби.

Возење велосипед
Педалите треба да ги вртите со просечна брзина, без забрзување или забавување, телото треба да биде исправено и да не се наведнувате нанапред. Потребно е да се вози 1 час дневно.

Чучнувања
Нозете треба да ги поставите во широк расчекор. Полека да се спуштите издишувајќи, колената треба да бидат свиткани, па кренете се полека и вдишете. Почнете со 15 чучнувања и постепено зголемете ги и до 100 дневно.

Свиткани нозе во лежечка положба
Легнете на грб, подигнете го телото и навалете се на свиткани лактови. Свиткајте ги нозете и обидете се колената да ја допрат брадата. Почнете се 10, па постепено зголемете и до 50 повторувања.

Скокање јаже
Одличен начин за губење масти е скокање јаже. Колку побрзо – толку подобро, нема потреба да скокате многу високо, но скокајте почесто.

Исчекор
Направете голем чекор напред, свиткајте го коленото во агол од 90 степени. Потоа, направете го истото и со другата нога. Повторете 15 пати.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.