Мадрид тврди дека Пуџдемон го сокрил своето семејство, каталонците демантираат

Марсела Топор, сопругата на каталонскиот водач Карлес Пуџдемон, наводно, избегала во родната Романија со своите две ќерки поради страв од сопствената безбедност, објавија некои шпански медиуми.

Се тврди дека Топорова, во согласност со нејзиниот сопруг, ја напуштила земјата бидејќи состојбата во регионот станува се понапета.

– Карлес и Марсел живеат во вила која е заштитена од каталонската полиција деноноќно, но веќе една недела никој не ги видел Марсел и децата. Се зборува дека таа завршила со своите ќерки кај своите родители во Романија, каде што ќе остане додека не се смири ситуацијата во земјата. Таа се плашеше дека некој може да ја нападне или да ги повреди своите деца откако Карлес стана непожелна личност во Шпанија – изјавил нивен сосед.

Сепак, каталонските медиуми цврсто ги негираат овие обвинувања кои велат дека се наведуваат лажни информации со цел да предизвикаат немир кај граѓаните на овој регион.

Топор работи како уредник на магазинот и портал „Каталонија денес”, чии канцеларии се наоѓаат во Жирона. Таа е исто така лидер на шоуто „Каталонски конотации”, кое се емитува на англиски јазик на приватен телевизиски канал.

Со Карлес се запознале пред 20 години додека се занимавала со актерството. Тој толку полудел за неа што наскоро го посетил нејзиниот роден град Јасе во Романија. Две години подоцна ја побарал за жена. Тие се венчале во 2000 година во шпанското одморалиште Коста Брава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.