Турчин се самоуби во живо на фејсбук (ВОЗНЕМИРУВАЧКО ВИДЕО)

54-годишниот Ајхан Узун од Турција во живо го пренесуваше на Фејсбук своето самоубиство откако неговата ќерка се свршила без негова согласност.

Вознемирувачката снимка од самоубиството го прикажува Узун како зборува во камерата, а потоа го зема пиштолот и си пука во глава.

Шокираните корисници на социјалната мрежа безуспешно се обидувале да го одвратат од чинот.

Тој на снимката кажува дека решил да се убие бидејќи неговата ќерка не побарала дозвола пред да се сврши „Вечерва ова го пренесувам во живо и не сакам оние кои ме доведоа до оваа ситуација да бидат на мојот погреб“.

Тој кажал дека за посвршувањето на ќерката дознал во телефонски разговор со жена му. „Никој ништо не ме праша. Не ме третираа како маж“. На крајот на снимката порачал: „Збогум, заминувам, пазете се, се гледаме“.

Портпаролот на Фејсбук за Њујорк тајмс изјави дека компанијата „длабоко жали за трагедијата“ и дека видеото е тргнато од мрежата. Тој порача дека „Фејсбук не промовира самоповредување или самоубиство“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.