Активисти на СДСМ ја запушиле канализацијата во Стајковци, а ја обвинуваат општината

Се поочигледно станува дека СДСМ не бира начини како да дојде до победа во Општина Гази Баба, газејќи директно и преку луѓето, преку нивната безбедност. Имено според нашите информации намерно е запишена канализацијата во скопското село Стајковци, најпогоденото ланските августовски поплави, кои се случија поради големото невреме кое тогаш го погоди Скопје, пишува порталот Денешен.

Покрај крајно непримерната кампања на СДСМ за овие локални избори, заканувањата кон луѓето, поткупот за кој има докази, кој е поддржан и од полицијата која е под контрола на потпретседателот на СДСМ, Оливер Спасовски, кој пак и директно е вклучен во кампањата за овие избори. СДСМ со цел да ја обвинат општината, во Попово маало во Стајковци намерно ја запушиле канализацијата.

Работниците кои работеле на канализацијата се изненадиле кога виделе што е извадено, а тоа се најлонски кеси кои намерно биле пуштени, а според нашите информации фрлени од активисти на владеачката партија, со цел да биде обвинета општината.

Граѓаните коментираат дека очигледно е дека СДСМ се спремен да направи се, па дури и ризикувајќи го животот на граѓаните, само да дојдат до победа. Тие велат дека ова е последно нешто што би го очекувале од Борис Георгиевски, кандидатот на СДСМ за градоначалник на Гази Баба, кој инаку живее во ова населено место.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.