Сообраќајот за товарни возила преку граничниот премин Делчево – Станке Лисичково меѓу Македонија и Бугарија е времено во прекин од 17:10 часот во двата правци, соопшти бугарското Министерство за внатрешни работи.
Причина за прекинот се технички проблеми на граничниот премин. Бугарското МВР додаде дека за излез од Бугарија чекале 25 товарни возила, а за влез три. Од бугарската погранична полиција ги советуваат возачите на товарни возила, кои патуваат во правец кон Македонија да се пренасочат кон граничниот премин Златарево-Ново Село.
Македонското МВР потврди дека во прекин е товарниот сообраќај од бугарска страна и напомена дека патничкиот сообраќај се одвива нормално.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
