Комитетот за човекови права на Европскиот парламент усвои предлог закон, според кој државјаните на земји кои не се членки на Европската унија на кои не им се потребни визи за патување во Шенген зоната, ќе мора да плаќаат по 10 евра за влез.
Овие патници, меѓу кои се очекува да бидат и граѓаните на Македонија, ќе мора да пополнат електронски формулар при влезот во Европската унија, во кој ќе бидат содржани контакт информации и која членка на ЕУ е крајна дестинација на нивното патување.
Десетици држави имаат договори за безвизно патување во Европската унија, а парите кои ќе бидат собрани од оваа нова такса ќе се искорисат за системот за гранично обезбедување ЕТИАС, кој треба да профункционира до 2020 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
