Почина познатиот актер кој глумеше во серијата „Игра на Тронови“

Актерот Рој Дотрис, кој публиката ширум светот го памети по улогата во серијата „Game of Thrones“, но и по улогите во бројни серии и филмови, почина во својот дом во 94-тата година од животот.

Во последните моменти со него биле ќерките Карен, Мишел и Ивет, седумте внуци и едниот правнук. Неговата сопруга Кеј Дотрис починала во 2007-та година.

Пред да стане актер, Рој служел во кралското воздухопловство и го преживеал логорот на воени заробеници во Германија. Потоа, тој работел на радио, во театар, на телевизија и филм. Добитник е на наградите за најдобар актер – Tony и BAFTA.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.