Прилепско: Маж загина, брат му тешко повреден

Маж загина, а неговиот брат е тешко повреден во несреќен случај регистриран од полицијата вчера околу 7:30 часот.

Како што информираат од полицијата несреќата се случила во атар на прилепското село Дреновци кога Р.Б. (35) со трактор се превртел на планински терен. Тој починал на лице место, додека неговиот брат П.Б. (27) се здобил со тешка повреда, фрактура на десната потколеница.

Повредениот брат ги повикал соселаните на помош, кои го извадиле телото на починатиот од под тракторот.

Полициски екипи извршиле увид на местото на несреќата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.