Во Велес до 13 часот на гласање излегле 30,72 отсто од граѓаните

Излезноста во Велес до 13 часот е 30,72 отсто од гласачите запишани на единствениот избирачки список, потврди Општинската изборна комисија Велес.

Лили Велковска, претседател на ОИК Велес информира дека право на глас имаат 46.525 граѓани, кои денеска гласаат на 84 избирачки места во општината.

– Изборите се одвиваат во фер и демократска атмосфера, а малите инциденти сепак се решаваат со заеднички дијалог и разговори, потенцира Велковска.

Од ОИК Велес ги повикуваат граѓаните да излезат на гласачките места и до 19 часот да го остварат своето право на глас.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.