Прекин во Аеродром, гласач по грешка ставил две ливчиња во една кутија

На едно избирачко место во општина Аеродром имало прекин во гласањето, откако еден гласач кому му биле дадени четири гласачки ливчиња, а кога ги ставал во гласачките кутии кај себе имал само три, потврдија од Државната изборна комисија.

Од ДИК контактирале со претседателот на Општинската изборна комисија во општина Аеродром кој ги информирал, по што повикале полиција и било утврдено дека гласачот бил повозрасен човек, кој две од ливчињата по грешка ги ставил во една кутија, така што немал ливче да стави во последната гласачка кутија.

Во врска со овој настан бил направен и записник. По ова гласањето на избирачкото место во општина Аеродром продолжило.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.