Правото на глас го искористиле околу пет проценти од избирачите во Гостивар

Според информациите на општинската изборна комисија во општина Гостивар до 10 часот правото на глас го искористиле 3.982 лица (пет отсто). Изборниот процес во оваа полошка општина засега се одвива без потешкотии или нарушувања на изборниот процес.

Во избирачкиот список за општина Гостивар има вкупно 79.569 лица кои ќе гласаат на 121 избирачко место.

Во општина Врапчиште на 39 избирачки места гласале 891 лице (3,5 отсто) од вкупно запишани 25.377 лица.

Во општина Маврово – Ростуше до 10 часот на гласање излегле 511 лица (5,1 отсто), во најмалата по бројност општина во гостиварскиот регион во избирачкиот список се запишани 25.377 лица кои гласаат на 39 избирачки места.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.