Во Гевгелија до 10 часот гласале 13,5 отсто, во Богданци и Дојран 11,3 отсто, во Валандово 9,9 отсто

Гласањето на шестите локални избори во општините од југоистокот на Македонија се одвива мирно и без проблеми, потврдија од општинските изборни комисии во Гевгелија, Богданци, Дојран и Валандово.

Најголема е излезеноста во општина Гевгелија, каде што до 10 часот на 37 избирачки места гласале 13,5 отсто од евидентираните гласачи или 2.623 граѓани.

На 12 гласачки места во општина Богданци правото на глас до 10 часот го искористиле 783 гласачи или 11,3 отсто. Во општина Дојран до 10 часот на осумте гласачки места гласале 311 граѓани или 11,3 отсто. Во општина Валандово на 24 избирачки места правото на глас до 10 часот го искористиле 9,96 отсто или 1.009 граѓани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.