И Путин ќе ја слуша „Текила и лимон“ на Елена Ристеска

Неодамна објавеното видео за темата “Текила и лимон” од Елена Ристеска ја доживеа својата официјална премиера и во Русија, каде што синглот е објавен под капата на издавачката куќа “Ефектив рекордс”. Пејачката ја сподели веста на социјалните мрежи, воедно најавувајќи го и видеото за ремиксот од руските диџеи “Беверли Пилс”, кој беше и првата верзија што ја слушнавме на почетокот на летото.

По македонската премиера, темата наиде на позитивни, но и негативни критики од публиката, а видеото на “Јутјуб” досега има над 300.000 прегледи. Пејачката по само неколку дена од промоцијата изјави дека е среќна што успеала домашната јавност да ја отргне од политиката за момент со оглед на тоа што сите ја коментираа нејзината песна.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.