Уништени домови, загинати луѓе – „апокалипса“ во Калифорнија

Шумските пожари во Калифорнија уништија околу 3.500 домови и трговски објекти, како и многу области за производство на вино, соопшти државната пожарникарска служба. Во огнената стихија, која се шири со голема брзина, досега загинаа 17 луѓе, а 150 се водат како исчезнати.

Пожарот зафатил повеќе од 46.500 хектари земјиште од неделата поради сувото време и силниот ветар.

Повеќе од 90.000 домови и фирми во окрузите Сонома и Напа се без струја, а испораката на гас е прекината за повеќе од 28.000 домови.

Десетици илјади луѓе беа приморани на евакуација. Гувернерот на Калифорнија прогласи вонредна состојба во окрузите Напа, Сонома и пет други.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.