Младиот белгиски политичар и поранешен потпретседател на младинската организација на најголемата фламанска сепаратистичка партија, Нова фламнска алијанса (Н-ВА), Дилан Вандерсникт, изврши самоубиство по критиките ма кои беше изложен откако објави националистичка карикатура на Фејсбук.
Како што јавија денеска белгиските медиуми, Вандерсникт (24) бил пронајден мртов завчера, а полицијата соопшти дека причина за смртта било самоубиство.
Во мај годинава Вандерсникт беше исклучен од Н-ВА и принуден да се извини затоа што на Фејсбук објави националистичка карикатура.
Карикатурата претставувала лик облечен како Арап како силува русокоса Белгијка, со паролата „добредојдовте бегалци”. Карикатурата тој ја презел од американски националистички интернет страници, инспирирани од кампањата на жабата Пепе, која стана симбол на американските националисти.
Ликот на Пепе беше користен за време на предизборната кампања во САД, честопати како дел од слични карикатури на кои се предупредува на опасноста од отворањето на границите на САД и Европа за мигранти. Се претпоставува дека јавните критики со кои се соочи по објавувањето на карикатурата. го довеле Вандерсникт до самоубиството.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
