В недела ќе ја чуеме евровизиската песна на Мина

Македонија и годинава ќе учествува на детската Евровизија, а после минатогодишната историска победа на Грузија, јубилејното 15. издание ќе се одржи на 26 ноември во главниот град Тбилиси.
Боите на нашата земја овој пат ќе ги брани пинковата ѕвездичка Мина Блажев, која ќе се натпреварува со песната „Dancing Through Life” (Танцување низ животот), а премиерата е закажана за во недела, во рамките на емисијата “Стисни плеј” на првиот канал на МРТ.
Ова ќе биде 13. учество за Македонија на детскиот Евросонг, каде што највисокиот пласман досега ни е 5. место, освоено во два наврати. Иако важеше за една од фаворитите, минатогодишната претставничка Мартија Станојковиќ се пласираше на 12. место, а нејзиниот хит “Љубовта не води” се уште е еден од најпрегледуваните на Јутјуб.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.