ВМРО-НП: Целосна поддршка даваме на кандидатот Зоран Илиоски и ВМРО-ДПМНЕ

Ставот на општинското раководство на ВМРО-НП е јасен и целата поддршка на овие локални избори ја даваат на кандидатот Зоран Илиоснки и партијата ВМРО-ДПМНЕ.

-Александар Делов, носител на листа на Павле Трајанов од последните парламентарни избори и Кире Климевски, шеф на изборниот штаб на Љубе Бошковски поддржани од неколку членови на ВМРО-НП организирале приватна забава на која искажале поддршка на СДСМ. Ставот на општинското раководство на ВМРО-НП е јасен и целата поддршка на овие локални избори ја даваме на кандидатот Зоран Илиоски и партијата ВМРО-ДПМНЕ, велат од ВМРО-НП.

ВМРО Народна партија и претходно соопшти дека на локалните избори ќе го поддржат кандидатот за градоначалник на општина Битола од ВМРО-ДПМНЕ, Зоран Илиоски, како и советничката листа од таа партија.

-Првата причина е што мислиме дека е добро за демократијата во Република Македонија да нема апсолутна власт една политичка партија. Втората причина е многу поважна, а тоа е дека ние сметаме оти Зоран Илиоски како кандидат за градоначалник и иден градоначалник ќе биде досега најдобриот појавен во овие 27 години во Град Битола, истакнаа од ВМРО-НП.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.