Францускиот претседател Емануел Макрон понуди посредништво во дијалогот меѓу ирачката Влада и Ирачки Курдистан, којшто бара независност.
Тој тоа го изјави по состанокот со ирачкиот премиер Хајдер ал Абади во Париз, одржан денеска. Фокусот на средбата беше ставен на француската поддршка за борбата против Исламска држава, како и на обновата на ирачката економија.
Макрон притоа нагласи дека Франција и други западни држави се загрижени за ситауцијата со Курдите по минатомесечниот референдум и додаде дека Франција ја поддржува стабилноста и територијалниот интегритет на Ирак. Тој натаму ја истакна и важноста на „националното помирување“ и наведе дека Франција моментно има блиски релации со Курдите.
Францускиот претседател смета дека „дијалогот е единствениот пат“ и оти „Франција е подготвена за активно учество како посредник“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
