Кандидатот на ВМРО-ДПМНЕ за градоначалник на Велес и актуелен градоначалник, Славчо Чадиев, денес промовираше мошне значаен проект за младите луѓе во општината.
Овој проект ќе обезбеди нови и поевтини домови за младите брачни двојки.
-Во наредниот мандат ќе обезбедиме 300 бесплатни градежни парцели кои ќе бидат наменети и понудени на младите брачни парови. На тој начин младите ќе имаат можност да го решат едно од главните, животни прашања, а тоа е обезбедување на дом за нив и за нивното семејство. Плацовите ќе бидат со површина од по 300 квадратни метри. Обезбедени се во месноста Каменот во населбата зад Костурницата, порача Чадиев.
Со овој проект кој ќе биде разработен со соодветна програма, со динамика на реализација и услови директно општината ќе им овозможи на младите луѓе од Велес кои го започнуваат својот заеднички живот да изградат сопствен дом.
-Веќе реализираните проекти на државно ниво „Купи куќа, купи стан“ и „Купи куќа за млади“, се доказ дека ВМРО-ДПМНЕ води грижа за граѓаните и нивните потреби. Сакаме ваквите добри политики за младите да продолжат во иднина и на локално ниво и тоа токму тука, во нашиот Велес, рече Чадиев.
Тој ги повика своите сограѓани на 15-ти октомври да гласаат за број 13 со што ќе го поддржат овој проект и уште 148 други проекти од неговата програма.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Последни
-
Сензационално: Северина се разведува од Игор, поради познатата водителка!
-
Фатална сообраќајка кај Струмица: Со „Корса“ излетал од патот, загинал на лице место
-
Шон Пен во Истанбул: Ќе снима документарец за убиениот новинар Џамал Кашоги (видео)
-
Димитров: Зборовите „нација со комплекс“ се извадени од контекст