Стаменковска: Драги Рашковски ако има грам морал треба да си поднесе неотповиклива оставка од функцијата

Генералниот секретар на криминогената влада на Зоран Заев, Драги Рашковски ако има грам морал треба да си поднесе неотповиклива оставка од функцијата, истакна Невенка Стаменковска од ВМРО-ДПМНЕ. Таа вели дека Рашковски без срам иако е Генерален секретар на Владата на Република Македонија се дрзна и да се самопрогласи за член на собранието на акционери на Телеком за да зема хонорари од илјадници евра.

-Однесувањето на Рашковски е неморално и незаконско бидејќи според член 18 од Законот за спречување на судир на интереси, Генералниот секретар не може да биде член на управен или надзорен орган во трговско друштво, јавни претпријатија, агенции, фондови, но и сите други организациони облици со доминантен државен капитал, истакнува Стаменковска.

Стаменковска посочува дека зЗгора на тоа Рашковски упорно молчи за непотизмот што го шири низ државните институции.

-Не е доволно само повлекувањето на неговата баба, Елена Начевска што се именуваше во второстепената владина комисија и повлекувањето на неговиот кум, адвокатот Дејан Костиќ. Овие лица треба веднаш да ги вратат народните пари кои ги испумпаа од буџетот на Република Македонија. Одговорност треба и мора да има. А, 15-ти октомври граѓаните ќе ја казнат оваа влада. СДС убедливо ќе биде поразен, вели Стаменковска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.