Груевски: Идната генерација на Македонија не смее да се откажува, заеднички одиме гордо напред

Ова се исклучително важни избори за иднината на Македонија. Ние предупредувавме многупати досега за доста предизвици со кои може да се соочиме, но сеуште има време за акција. Со пенкалото и гласачкото ливче се одлучува судбината на твоето место, на твојата општина и на твојата земја, порача лидерот на ВМРО- ДПМНЕ, Никола Груевски во своето обраќање на митингот на ВМРО-ДПМНЕ и коалицијата во Штип.

– Ајде сите заедно да ја создадеме приказната за Македонија. За земја на совладани предизвици, на длабока верба, големи соништа и достоинствени почетоци.
Идната генерација на  македонски граѓани никогаш не смее да се откажува. Ќе има времиња од нашите животи кога ќе сакаме да се откажеме, кога вие, нашиот народ и сите ние ќе си речеме попусти се нашите желби и соништа, залуден е нашиот труд. Но не… ова не се тие времиња! Одиме напред, гордо и достоинствено!

– Ваша е одлуката. Од вас зависи иднината на Македонија. Ставете крај на помрачувањето и да одиме заеднички гордо напред. Да ја развиваме Македонија, да ја модернизираме, да реализираме проекти кои што ќе бидат од ваш интерес, од интерес на Македонија, истакна Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.