Што направи СДСМ за четири месеци? Пониски плати, афери, помали субвенции, зголемени даноци

Изминативе четири и половина месеци ги видовме какви се. Нарушени национални интереси – катастрофален договор со Бугарија, најава за смена на името и идентитетот, колапс на економијата – пензионерите ги оставија без зголемување, ги намалија платите, истакна претседателот на ВМРО-ДПМНЕ, Никола Груевски во своето обраќање на митингот во Штип.

– Добивате пониска плата од просечната која ја добивавте само пред четири и пол месеци, падна индустриското производство – само во последното мерење за цели 5,3 осто, падна БДП за 1,9%, паднаа девизните резерви за повеќе од 170 милиони евра, а даноците ќе ги зголемуваат, куп афери со неисполнети ветувања – граѓаните не го добија ветениот поврат на ДДВ, нема поефтина струја, нема повисоки плати, ќе ги кратат субвенциите за земјоделците, непотизам и тендери за лично богатење и што уште не, истакна Груевски.

– Ние тоа што го ветуваме го исполнуваме. Нашиот збор вреди. Ветивме повисоки пензии, зголемени плати, субвенции, нови работни места и тоа го исполнивме…додаде тој во своето обраќање пред штипјани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.