Коневски: Две нови детски градинки и зелен парк за Стар Аеродром

Кандидатот за градоначалник на општина Аеродром на ВМРО-ДПМНЕ, Ивица Коневски, денеска ја посети населбата Стар Аеродром од каде најави дека за таму е предвидена изградба на две нови детски градинки.

– Денеска во населбата Стар Аеродром би сакал да го промовирам проектот од нашата предизборна програма за изградба на 2 нови детски градинки, во кои ќе можат да се згрижат над 500 дечиња. Станува збор за градинките „Изворче“, која се наоѓа зад нас и „Црвенкапа“, во чии рамки ќе бидат изградени двете нови градинки. Доколку ја добиеме довербата од граѓаните на претстојните локални избори, во оваа населба, исто така, ќе реализираме и уште 20-тина други проекти, меѓу кои верувам на задоволство на нејзините жители, изградба на зелен парк меѓу новите згради и довршување на новата комунална инфраструктура. Во соработка со Град Скопје, пак, ќе ја пробиеме улицата „Васко Карангелевски“ од булеварот „Трета македонска бригада“ до поликлиниката „Јане Сандански“, истакна Коневски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.