Манчестер Сити се огласи по повод собраќајната несреќа на Агуеро

Стигна и соопштение од „граѓаните“.

Фудбалскиот клуб Манчестер Сити се огласи по повод собраќајната несреќа која ја доживеа Серхио Агуеро.

Аргентинецот измината ноќ се здобил со повреда на ребрата и наводно го очекува долга пауза, но од неговиот клуб не прецизираа ништо додека не поминат прегледите кај клупските лекари.

Во соопштението се наведува дека Агуеро заработил повреди во текот на слободниот ден во четвртокот и дека утре ќе се врати во Манчестер, кога ќе му бидат извршени детални прегледи пред дербито со Челзи кое „граѓаните“ го играат во сабота.

Значи, повеќе за повредата на Агуеро можеме да очекуваме во текот на денот или пак утре наутро.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.