ВМРО-ДПМНЕ со митинзи во Зелениково, Сопиште, Бутел и Карпош

Партиите, коалициите и независните кандидати кои ќе учествуваат на локалните избори на 15 октомври, денеска на петтиот ден од кампањата ќе одржат митинзи и средби со граѓани во повеќе градови и населени места низ Македонија.

Карванот на коалицијата „За подобра Македонија“ предводена од ВМРО-ДПМНЕ, ќе биде во Зелениково, Сопиште и во скопските општини Бутел и Карпош.

Коалицијата „Живот во Македонија“ предводена од СДСМ ќе има средби со граѓани и собири во Македонска Каменица, Пехчево, Берово и Делчево.

Демократската унија за интеграција (ДУИ) ќе има предизборни активности во Студеничани.

Кампањата за првиот изборен круг почна на 25 септември, а ќе заврши на 13 октомври во 24 часот.

Шестите локални избори во Македонија се закажани за 15 октомври, а ќе се спроведуваат на 3.480 избирачки места во 80 општини и во Градот Скопје. Право на глас ќе имаат 1.814.644 граѓани запишани во Избирачкиот список.

Вториот круг од изборите е закажан две недели подоцна, на 29 октомври. Изборната кампања за вториот круг завршува на 27 октомври во 24 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.