РФМ ѝ ја исплати премијата од 10.000 евра на младинската репрезентација

Ракометната федерација на Македонија ја исплати премијата на младинска репрезентација за пласманот на шестото место на Светското првенство во Алжир 2017 година.

„По претходно донесена одлука на Управниот Одбор, Ракометната Федерација на Македонија ја исплати премијата од 10.000 евра на репрезентацијата и 1.000 евра премија на селекторот Иле Темелковски. Дополнително, РФМ ги реализираше и наменските средства доделени од Агенцијата за млади и спорт за награда за Младинците во вредност од 1 милион денари.

Младинската машка ракометна репрезентација на Македонија, на Светското Првенство што се играше во Алжир во јули 2017, го оствари најголемиот успех во историјата на македонските колективни спортови на Светските Првенства, освојувајќи го шестото место. Тимот на селекторот Иле Темелковски оствари пет победи во вкупно деветте средби што ги одигра во периодот од 18 до 30 јули“, се вели во соопштението на РФМ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.