Александрова: Илјадници студенти ќе останат гладни, а владата на СДС се расфрла со народните пари за морски плодови

Неспособноста и лагите на СДС, студентите ги почувствуваа на своја кожа, изјави на денешната прес-конференција Сара Александрова од ВМРО-ДПМНЕ.

-Владата на Зоран Заев се дрзна на студентите да им укине еден од трите оброци кои им следуваат секој ден на студентите кои престојуваат во студентските домови. Сега наместо 3 оброка на трошок на државата, тие ќе можат да јадат само 2, истакна Александрова.

Таа потенцираше дека, додека илјадници студенти ќе останат гладни, владата на СДС се расфрла со народните пари и тоа на морски плодови, морска храна, апетисани и пијалоци. Богоев, Туфегџиќ, Заев, Дескоска ветуваа подобар студентски стандард но откако седнаа во удобните фотелји заборавија на ветувањата и удрија по грбот на студентите.

-СДС уште еднаш си го покажа вистинското лице. Наместо реформи за подобар живот студентите добија укинатите и стопирани мерки наменети за нив, згаснување на дисперзираните студии, стопирање на проектот 30/35 кој обезбедуваше финансиски поволности при студирањето за повозрасните граѓани со интерес за студирање, гласањето против законот за студентски ваучери за купување компјутери.

Затоа на претстојните локални избори на 15-ти октомври студентите ќе го казнат суровото однесување на СДС.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.