Кандидатите за градоначалници на Град Скопје потпишаа Кодекс за фер и демократски избори

Kоце Трајановски од ВМРО-ДПМНЕ, Петре Шилегов од СДСМ и останатите кандидати за градоначалници на Град Скопје потпишаа Кодекс за фер и демократски избори. Кодексот, како кандидатите за градоначалници на Град Скопје, го потпишуваат и кандидатите за градоначалници во сите општини на Република Македонија.

Со овој Кодекс учесниците на локалните избори се обврзуваат и си ветуваат еден на друг, но и на сите граѓани дека ќе се придржуваат и активно ќе ги промовираат принципите на фер и слободни избори.

Учесниците во изборите со потпишување на Кодексот јасно изразуваат волја да го почитуваат избирачкото право кое е еднакво, општо, непосредно и се остварува на слободни избори со тајно гласање.

Покрај Петре Шилегов и Коце Трајановски останати кандидати за градоначалник на Град Скопје се Ѓорги Тодоров од НДМ, Беким Фазлиу од ДПА, Насије Селмани од БЕСА, Ванчо Шехтански од ТМРО, Марија Јонес од Левица и Наим Бајрами од Алијанса на Албанците.

Кандидатот на ДПА, Беким Фазлиу бил физички спречен да присуствува на денешната средба и тој Кодексот ќе го потпише подоцна.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.