Акција за чистење и разубавување на Ченто

Под мотото „Ченто, чисто ти ќе бидеш” жителите на населбата Ченто на пладне ќе спроведат акција за нејзино чистење и разубавување во делот кај зградите кај последната автобуска станица на линијата 45.

Суштината на граѓанската иницијатива „Мрдни со прст”, која е иницијатор на акцијата, е да се предизвика вклучување на поединците, здруженијата и компаниите и да го потенцира нивниот индивидуален придонес кон остварување на големи резултати од општествен интерес.

Како дополнително разубавување на просторот и потсетник за одржување на чиста околина ќе остане уметноста на графит артистот Драш, кој оваа акција ќе ја преслика на една од зградите во околината.

Повеќе информации за иницијативата „Мрдни со прст“ се достапни на www.mrdnisoprst.mk .

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.