Ниту еден од двата македонски филма не може да биде кандидат за Оскар

Ниту еден од пријавените филмови не ги исполнува естетските и наративните критериуми за да биде македонски кандидат за Оскар, од неанглиско говорно подрачје, одлучи Комисијата за избор на македонски кандидат за Оскар.

Како што соопшти денеска Друштвото на филмски работници, Комисијата одлучила дека ниту еден од пријавените кандидати, „Кога денот немаше име“ на Теона Стругар Митевска и „Златната петорка“ на Горан Тренчовски не може да ја претставува Македонија во трката за Оскар од неанглиско говорно подрачје.

Претседател на Комисијата за избор на македонски кандидат е продуцентот Роберт Насков, а членови се Вардан Тозија (режисер), Иван Бартлинг (сценограф), Марија Апчевска (режисер), Роберт Јанкулоски (директор на фотографија), Атанас Георгиев (монтажер) и Жаклина Крстевска (костимограф).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.