Власта не успеа да ги изрекетира клубовите за арената „Филип Втори“

Арената „Филип Втори“ повторно ќе се изнајмува по старите цени. Новиот ценовник сепак има премногу високи цени за македонските фудбалски клубови, и тоа го сфатија и претставниците на АДСДП. На денешниот состанок, со посредство на Агенцијата за млади и спорт, на кој учествуваа претставниците на АДСДП, Фудбалската федерација на Македонија, како и клубовите Вардар, Работнички и Шкендија, договорено е да се вратат старите цени. Откако ценовникот ќе биде вратен по старо, и ќе бидат усвоени измените, ќе ги нема веќе проблемите што се појавија во последниот период.

Работнички веќе овој викенд ќе биде домаќин на арената „Филип Втори“ на мечот против Академија Пандев, а потоа и Вардар ќе ја преиспита одлуката за да биде домаќин на „Борис Трајковски“ во Маџари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.