ФИФА утре ќе ги објави номинациите за најдобрите во повеќе категории

Светската фудбалска асоцијација (ФИФА) утре ќе ги објави финалистите во повеќе категории кои ќе претендираат да ги освојат наградите за најдобри во минатата сезона.

Ќе се бира во следниве категории: најдобар фудбалер, најдобра фудбалерка, најдобар фудбалски тренер, најдобар фудбалски голман, наградата ФИФА Пушкаш ( за најдобриот гол постигнат помеѓу периодот од 1 октомври 2016 до 2 јули 2017 година), наградата ФИФА Фан, наградата ФИФА фер-плеј.

Трите кандидати за наградата по категории ќе бидат претставени по азбучен ред. Во изборот со своите гласови учествуваат селекторите и капитените на националните тимови од целиот свет и спортски новинари специјализирани за фудбал.

Победниците ќе бидат прогласени на 23 октомври на гала свеченост во „Лондон Паладиум“ во англиската престолнина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.