Продолжува собраниската расправа за Законот за јазиците

Собранието на Република Македонија денеска треба да ја продолжи расправата по Предлог-законот за употреба на јазиците.

Вчера попладне расправата по предлог-законот беше прекината бидејќи Собранието требаше да ги одржи 16. и 17. седница.

Во досегашниот тек од расправата по овој закон и на комисиските расправи и на продолженијата на пленарните седници опозцијата обвини дека законот е неуставен, со него се кршат процедурите и оти неговата примена ќе доведе до двојазичност на целата држава. Со законот, обвинија од опозицијата, се дискриминираат и помалите етнички заедници.

Според парламентарното мнозинство, пак, законот е во согласност со Уставот, не го нарушува унитарниот карактер на државата и ќе допринесе за зголемување на соживотот во државата.

Предлог-законот за употреба на јазиците е во прво читање на пленарна седница.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.