„Борис Трајковски“ прераснува во модерен булевар (ФОТО)

Привршуваат градежните работи за проширување на третиот дел од булеварт „Борис Трајковски“.

Старата улица „Првомајска“, која беше синоним за гужви и метеж на сообраќајот, веќе е минато. Пред нас е ново и модерно сообраќајно решение. Булевар со вкупна должина од 2,5 километри, со четири коловозни ленти, со тротоари и велосипедска патека, со ново осветлување и нова атмосферска канализација. Токму онаков каков што заслужуваат жителите на Кисела Вода, Центар, Драчево и сите останати жители кои се обраќаат по оваа прометна сообраќајница.

Со проширувањето на вториот дел булеварот доби четири коловозни ленти, широки по 3,5 метри. Коловозот е асфалтиран со полимеризиран асфалт-бетон, на површина од околу 16.000 метри квадратни, а уредени се и две семафорски крстосници.
Првата делница од проширениот и реконструиран булевар „Борис Трајковски“, од „Рампа“ до крстосницата со улицата „Народни херои“ во должина од 1.380 метри, беше завршена во октомври 2012 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.