Прво место за Иџе на втората трка во Белгија

Македонскиот автомобилист Игор Стефановски – Иџе победи на втората трка возена денеска во Белгија во шампионатот ЕТЦЦ. Со овој триумф тој се искачи на второто место во генералниот пласман. Стефановски имаше и најбрз круг во втората трка.

Македонскиот автомобилист првата позиција ја освои пред конкурентот Петер Рикли од Чешка, а ја искористи предноста и стартот од првата позиција. Третото место го освои Петр Фулин, кој е лидер во генералниот пласман.

Нашиот автомобилст во првата трка денеска остана без пласман.

Последната трка од ЕТЦЦ шампионатот ќе се вози на 8.октомври во Мост, Чешка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.