Грозоморно злосторство утрово го потресе Гостивар

Тело на жена чиј идентитет не е познат е најдено на споредна улица во Гостивар.

Според МВР, случајот бил пријавен утрово откако случаен минувач ја забележал жената како лежи неподвижна на крак од улицата „Иво Лола Рибар“. Набрзо потоа дошла полицска екипа која го обезбедила местото, а бил повикан и јавен обвинител.

Во тек е увид по што треба да биде појасно како настапила смртта и се утврдува идентитетот на жената.

Првичните сознанија се дека смртта на жената настапила по насилен пат. Повеќе информации се најавуваат по завршување на увидот од страна на јавниот обвинител.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.