Емотивна порака од Антиќ до Фенербахче

оранешниот македонски репрезентативец Перо Антиќ по трансферот од Фенербахче во Црвена ѕвезда упати емотивна порака до навивачите на турскиот клуб.

– Почитувано семејство Фенербахче. Изминативе две години беа неверојатно искуство. Има многу незаборавни спомени тука, како и историски момент со освојување на Евролигата, успех остварен со одлични соиграчи, тренери, експерти и клупски работници. Немам зборови со кои би се заблагодарил на поддршката што ја имав од навивачите за време на мојот престој во овој клуб. Ви благодарам за се и му посакувам на семејството Фенербахче се најдобро во наредните години, напиша Антиќ на Инстаграм.

Dear Fenerbahce Family, The past two years have been an amazing experience. Many unforgettable memories, like being a part of historical moment of becoming the Euroleague champions with a group of great teammates, coaches, staff and office. There are no words to explain my gratitude for the fan support during my time here. Thank you for everything and i wish all the best for Fenerbahce Family in the upcoming years. #fenerbahce #fenerlife #12

A post shared by Antic Pero Official Instagram (@cickostoilko) on Sep 12, 2017 at 5:10am PDT

Македонецот потпиша едногодишен договор со „црвено-белите“ и ќе претставува огромен поттик за новиот тим на Црвена ѕвезда. Тој никогаш не ја криел љубовта кон тимот од Белград чиј дрес го носел две сезони (2005-2007) и го освоил националниот куп во Србија.

Антиќ е првиот македонски кошаркар кој заиграл во НБА лигата (Атланта), има три трофеи од Евролигата, со Олимпијакос во 2012 и 2013 и со Фенербахче во 2017 година

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.