Директно мешање на полицијата во партиски цели на СДС

СДС има стратегија да ја ангажира полицијата во нивна функција на изборите, и да го користи државниот буџет за поткуп на гласачи за да им дадат поддршка на претстојните изборите.

-Тоа го видовме на таблата од нивната општинска организација. Ова е дрско и безобразно да се истакнува користењето на полицијата во функција на изборите. Сакаме јасно да претставивме дека СДС нема намера за фер и демократски избори и да истакнеме со какви услови се соочуваме, истакна Орце Ѓорѓиевски.

ДИК, Јавното обвинителство и меѓународната заедница да реагираат на директното мешање на полицијата во партиски цели на СДС.

-Ова е директно мешање на партијата и државата. Наместо да се занимаваат каква програма да им понудат на граѓаните тие се занимаваат како да ја употребат полицијата во нивни цели. Го повикуваме ДИК, јавното обвинителство и меѓународната заедница да реагираат на овој срамен скандал или ќе се прават дека ништо не гледаат. На СДС нема да му помогне ни овој јалов обид. Граѓаните ги препознаа штетните политики. Нема да им помогне ниту нивната партиска полиција, ниту целиот државен буџет кој го имаат на располагање, потенцираше Ѓорѓиевски и додаде:

-Сакаме да упатиме апел до чесните полицајци, да не дозволат да бидат инволвирани во вакви активности, а сите оние од СДС коишто ќе посегнат по вакво нешто, по следните предвремени парламентарни избори ќе одговараат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.