Масовни протести во Лондон против Брегзит

Во центарот на Лондон денеска повторно илјадници луѓе протестираа против Брегзит, повикувајќи ја Владата „повторно да размисли и да го отфрли Брегзит“.

Протестот е организиран пред гласањето во Долниот дом на британскиот Парламент, што е закажано в понеделник вечер.

Пратениците првпат ќе гласаат за законот со кој формално ќе заврши членството на Велика Британија во ЕУ и за околу 12.000 закони и правила на Унијата кои ги има и во британскиот законик.

Дел од демонстрантите носеа транспаренти „Излез од Брегзит“ (Exit from Brexzit).

На референдумот за Брегзит, одржан во јуни 2016 година, 52 проценти од Британите се изјаснија за излез од Унијата, додека 48 беа против.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.