Општина Гевгелија донесе одлука за распишување референдум за или против населување мигранти

Гевгелиските советници денеска на вонредна седница со 11 гласови „за“ и четири „воздржани“ ја изгласаа одлуката за распишување референдум за населување на мигранти на територијата на општина Гевгелија.

Одлуката што беше предложена од советничката група на ВМРО-ДПМНЕ беше подржана од 11-те советници на оваа партија, а четворица советници на СДСМ гласаа воздржано. Останатите четворица советници ја напуштија седницата.

Референдумското прашање по кое ќе се изјаснуваат гевгеличани ќе гласи „Дали сте за или против населување и интеграција на мигранти на територијата на општина Гевгелија“ и по него ќе се гласа на 15-ти октомври односно заедно со одржувањето на локалните избори, информира Љубчо Алексовски од општинската служба за односи со јавноста.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.