„Одеднаш, тропање на вратата“ на Етгар Керет, во издание на „Македоника литера“

Книгата раскази „Одеднаш, тропање на вратата“ на израелскиот писател Етгар Керет, првпат е објавена на македонски јазик во издание на „Македоника литера“ од Скопје.

Етгар Керет е преведен на повеќе од 40 јазици во речиси 50 земји и е познат по своите раскази, стрипови и сценарија за филм и за телевизија.

Книгата „Одеднаш, тропање на вратата“ (2010) е меѓу најпознатите дела на Керет кое ги потврдува неговата бескрајна ингениозност и луцидност. Оваа збирка раскази е преведена на повеќе од 20 јазици, меѓу кои на англиски, германски, француски, италијански, холандски, кинески, јапонски, шпански, турски, бугарски и хрватски јазик.

Негови најпознати дела се збирките раскази „Цевководи“ (1992), „Недостига Кисинџер“ (1994), „Возачот на автобус кој сакаше да биде Бог“ (2004), „Девојчето на фрижидерот“ (2008) и „Одеднаш, тропање на вратата“ (2010).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.