Долно Лисиче ги избра Коневски и Трајановски: Жителите задоволни од сработеното, изнесоа предлози за иднината (ФОТО)

Градоначалникот на Општина Аеродром Ивица Коневски и градоначалникот на Скопје Коце Трајановски вечерва пред месната заедница во Долно Лисиче одржаа средба со жителите. На средбата се разговараше за реализираните проекти во тој дел на општината и за проектите планирани за идниот период.

Жителите на Долно Лисиче ги изнеле своите идеи, предлози и предизвици со кои се соочуваат во секојдневието.

Во минатите неколку години во Долно Лисиче беше изградена целосна фекална канализација, беа асфалтирани речиси сите улици и нивните краци, беа изградени тротоари и беше поставено јавно осветлување, целосно беше променета водоводната мрежа, изградена беше атмосферска канализација, а во меѓувреме се реконструира и прошири патот од Горно до Долно Лисиче. Покрај инфраструктурата, во Долно Лисиче се изградени и две повеќенаменски спортски игралишта, детско игралиште и две зелени паркчиња со урбана опрема.

Градоначалникот Коневски им соопшти на граѓаните дека во претстојниот период се планира да се изгради спортска сала и детска градинка во Долно Лисиче.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.